Ish-luftëtari i Ushtrisë Çlirimtare të Kosovës, Fadil Pushkolli, ka njoftuar se është liruar nga Policia e Maqedonisë së Veriut, pasi është marrë në pyetje.
Lajmin e ka bërë të ditur vetë Pushkolli përmes një postimi në Facebook, ku ka treguar se pas intervistimit është lënë i lirë.
Ai ka falënderuar Policinë e Maqedonisë së Veriut, ndërsa në veçanti ka veçuar pjesëtarët shqiptarë të policisë për, siç ka thënë, korrektësinë dhe profesionalizmin e treguar gjatë procedurës.
“Pas një interviste dhe marrjes në pyetje, jam liruar nga Policia e Maqedonisë së Veriut. Dua ta falënderoj Policinë e Maqedonisë së Veriut, në veçanti pjesëtarët e policisë shqiptare, për korrektësinë, respektin dhe sjelljen e mirë gjatë gjithë procedurës. Faleminderit për korrektësinë dhe profesionalizmin”, ka shkruar Pushkolli.
Ndryshe, ish-luftëtari i Ushtrisë Çlirimtare të Kosovës është arrestuar të martën mbrëma nga Maqedonia e Veriut në bazë të një urdhërarrest të lëshuar nga autoritetet serbe.
Në një postim në profilin e tij në Facebook është thënë se Pushkolli është arrestuar në pikën kufitare Bllacë – Hani i Elezit për faktin se ka qenë pjesëtar i UÇK-së./teve1.info/
Arrestohet në Maqedoninë e Veriut ish-luftëtari i UÇK-së, Fadil Pushkolli
