Skuadra e Lillet ka marrë një lajm të keq në prag të ndeshjes së kthimit ndaj Aston Villas në kuadër të çerekfinales të Ligës së Konferencës. Lille në duelin e dytë që luhet të enjten në Francë, ka gjasa të mëdha të jetë pa yllin kryesor të ekipit, Edon Zhegrovën.
Mediumet franceze kanë raportuar të hënën se Zhegrova është në dyshim për ndeshjen e kthimit kundër Aston Villas për shkak të lëndimit të nyjës së majtë të këmbës.
Zhegrova 25-vjeçar këtë lëndim e pësoi në ndeshjen e parë, të cilën Lille e humbi 2:1 në Angli dhe nuk është stërvitur ditët e fundit me pjesën tjetër të ekipit.
Edhe pse thuhet se lëndimi i Zhegrovës nuk është serioz, situata e tij do të monitorohet gjatë ditëve në vijim për shkak se trajneri Paulo Fonseca nuk dëshiron ta rrezikoj lojtarin kryesor të ekipit.
Mungesa e Zhegrovës ndaj Aston Villas do të jetë e madhe për Lillen, ekip që synon kualifikimin në çerekfinale të Ligës së Evropës. Zhegrova është njëri prej lojtarëve kryesor të Lillet këtë edicion, ku në 41 paraqitje në të gjitha garat ka shënuar 11 gola dhe ka bërë 9 asistime.
Në ndeshjen e parë që u luajt javën e shkuar në Angli, Zhegrova u aktivizua për 60-të minuta në radhët e Lillet. Dueli i kthimit mes këtyre dy skuadrave zhvillohet të enjten prej orës 18:45.
