Lidhja e Bizneseve të Kosovës ka ftuar bizneset të ngrihen kundër rritjes së çmimit të energjisë, duke shprehur kështu mbështetjen e fuqishme për protestën e thirrur më 5 prill, si një akt të domosdoshëm për të kundërshtuar rritjen e paralajmëruar dhe të papërballueshme të çmimit të energjisë elektrike.
LBK thotë se kjo rritje nuk është barrë që duhet ta mbajnë qytetarët dhe bizneset, por është pasojë direkte e dështimeve të institucioneve.
Tutje, ajo shton se bizneset nuk mund të jenë viktima të mosveprimit institucional.
Lidhja e Bizneseve të Kosovës tha se rritja e çmimit të energjisë është një sulm direkt ndaj ekonomisë.
Postimi i plotë:
FTESË PËR PROTESTË kundër rritjes së çmimit të energjisë
Koha për të vepruar është TANI –
Lidhja e Bizneseve të Kosovës (LBK) mbështet fuqishëm protestën e thirrur për datën 5 prill, si një akt të domosdoshëm për të kundërshtuar rritjen e paralajmëruar dhe të papërballueshme të çmimit të energjisë elektrike. Lidhja e Bizneseve të Kosovës
fton bizneset të ngrihen kundër rritjes së çmimit të energjisë
Kjo rritje nuk është barrë që duhet ta mbajnë qytetarët dhe bizneset, por është pasojë direkte e dështimeve të institucioneve – të cilat kanë neglizhuar për vite me radhë investimet në prodhimin dhe mirëmbajtjen e energjisë.
Bizneset nuk mund të jenë viktima të mosveprimit institucional.
Rritja e çmimit të energjisë është një sulm direkt ndaj ekonomisë – ajo do të shkaktojë:
Rënie të fitimit për mijëra biznese,
Humbje të vendeve të punës,
Mbyllje të ndërmarrjeve të vogla,
Rritje të çmimeve për qytetarët,
Dobësim të konkurrencës vendore përballë tregjeve të huaja.
Shumë biznese kanë shprehur gatishmërinë të investojnë në energji të pastër – por ligjet aktuale nuk i lejojnë. Po u mbyll një derë zhvillimi, po hapet dera e krizës.
Për më tepër, propozimi për shtimin e blloqeve të konsumit mbi 800 kWh është një tjetër goditje për biznesin dhe qytetarin.
LBK nuk do të heshtë. Nuk do të lejojmë që rritja e çmimit të energjisë të kalojë pa kundërshtim.
Ftojmë të gjitha bizneset, pa dallim, të jenë pjesë e protestës më 5 prill.
Ky është momenti për të qëndruar bashkë dhe për të mbrojtur të ardhmen tonë ekonomike.
Nëse nuk veprojmë sot, do të paguajmë më shumë nesër.
LBK tashmë i ka adresuar vërejtjet dhe shqetësimet tona pranë institucioneve përkatëse, duke argumentuar qartë dëmet që një rritje e tillë e çmimit të energjisë do t’u shkaktonte bizneseve dhe qytetarëve. Si Lidhje e Bizneseve, jemi duke shqyrtuar hapa të mëtejshëm ligjorë dhe institucionalë për të kundërshtuar jo vetëm këtë rritje të pajustifikuar, por edhe planet për liberalizimin e tregut energjetik që po shtyhen përpara pa garanci dhe pa një strategji të qartë.
