Deputeti i AAK-së, Pal Lekaj ka përmendur një rast nga koha kur ishte kryetar i komunës së Gjakovës.
Lekaj ka shkruar se para 10 vitesh, e kishte shkarkuar nga pozita e drejtoreshës së shkollës “Yll Morina”, ministren e tashme të Arsimit, Arbërie Nagavcin.
Sipas Lekajt, kjo kishte ndodhur për shkak të performancës së dobët dhe me kërkesë të Këshillit të Prindërve.
“Nuk e kam pasur ndërmend ta tregoja kurrë, mirëpo po ndihem i detyruar. Çka keni pritur më shumë nga ministrja Nagavci që para më shumë se 10 viteve e kam shkarkuar nga pozita e Drejtoreshës së Shkollës “Yll Morina” me kërkesë të këshillit të prindërve dhe performancë të dobët”, ka shkruar Lekaj.
