Lidhja Demokratike e Kosovës (LDK) ka hapur sot fushatën për zgjedhjet lokale të 12 tetorit me një tubim qendror në Prishtinë.
Kryetari i kësaj partie, Lumir Abdixhiku, tha se nisja e garës zgjedhore shënon një kapitull të ri për LDK-në.
Në fjalën e tij, Abdixhiku theksoi se kryetarët e komunave nga radhët e LDK-së gjatë mandatit të kaluar janë përballur me pengesa të shumta nga pushteti qendror, por pavarësisht kësaj, sipas tij, nuk janë ndalur në punën e tyre.
Duke folur për përballjen e LDK-së me sfida, ai shtoi: “Ata i kanë penguar, por këta nuk janë ndalur. Ata i kanë bllokuar, por këta ia kanë dalë”.
Kryetari i LDK-së nënvizoi gjithashtu se kjo parti nuk lidhet pas interesave të ngushta politike.
