Lidhja Demokratike e Kosovës i ka vlerësuar datat 5. 6 dhe 7 mars si data që shënojnë ngjarjen më kulminante dhe më të lavdishme të luftës dhe rezistencës së familjes Jashari ndaj sulmeve të egra nga makineria serbe.
Përmes një komunikate, kjo parti vlerëson se sakrifica sublime e familjes Jashari ishte dëshmi e përpjekjes shekullore të Kosovës për liri.
“Komandanti Legjendar Adem Jashari e Hamëz Jashari dhe familja Jashari mbesin udhërrëfyes dhe shembull unikat në botë për gjenerata të tëra. U mbesim borxh gjithë familjes Jashari e të rënëve gjithandej vendit që ta ndërtojmë e ta bëjmë Kosovën tonë ashtu siç deshën ata”, shkruhet në faqen zyrtare të LDK-së në Facebook.
