Lidhja Demokratike e Kosovës në një përgjigje për media në lidhje me refuzimin që ia ka bërë ushtrueses së detyrës së presidentes së Kosovës, Albulena Haxhiu për takimin e planifikuar për nesër për konsultime me partitë, iu referua Haxhiut si deputete.
Nga LDK deklaruan se kjo parti nuk merr pjesë në takim, pasi konsiderojnë se Haxhiu është vetëm një nga deputetët e Kuvendit të Kosovës.
LDK është e hapur të takohen me liderin e Lëvizjes Vetëvendosje, Albin Kurti.
Në fakt, në komunikimet zyrtare, LDK i referohet si ushtruese e detyrës së presidentes, Albulena Haxhiut.
Në propozimin e bërë nga LDK për anëtarë të Komisionit Qendror të Zgjedhjeve, Haxhiut i drejtohen si ushtruese e detyrës së presidentes, shkruan teve1.info.
Ndryshe, krahas LDK-së, edhe PDK dhe Aleanca e kanë refuzuar Haxhiun për takimin e së martës.
