Gjocaj bëri të ditur se amerikanët kanë vlerësuar sistemin dhe specializantët e Shërbimit Spitalor, Klinik dhe Universitar të Kosovës.
“Kur kam qenë një ditë kujdestar, është pritur ardhja e Latifit me disa ekspertë amerikanë. Ai ka sjellë ekspertë nga Amerika për ta vlerësuar nivelin e shkollimit, nevojat dhe se si organizohet niveli i shkollimit specialistik tek ne. Është bërë një punë e jashtëzakonshme, amerikanët e kanë vlerësuar se si e kemi sistemin, çfarë bëjnë specializantët tanë. Kjo ka qenë një ide e vet ministrit Latifi”, tha Gjocaj në emisionin “Ditari” për Tëvë1.
Ndërkaq, i pyetur në qoftë se qeveria e Kosovës mund të arrijë t’i kthejë ata qindra mjekë të cilët janë larguar nga Kosova, Gjocaj tha se kjo nuk mund të dihet ende, mirëpo u bëri thirrje profesionistëve tjerë që kanë mbetur të mos largohen nga vendi.
