Ministrja e Arsimit, Arbërie Nagavci është shprehur e lumtur, teksa ka thënë se ky program i cili do të jetë në platformën online do t’u mundësojë mësimdhënësve përfshirje në diskutime dhe ndarje të ideve të reja.
Sipas Nagavcit brenda kësaj platforme, mësimdhënësit mund të zhvillojnë një portofolio elektronike për të mbështetur dhe evidentuar zhvillimin e tyre profesional, të angazhohen në ndërveprime me mësimdhënës nga vende të tjera përmes grupeve të ndryshme.
“Ndër të tjera, përmes kësaj Platforme mësimdhënësit e gjuhës angleze mund të:
Njihen me mësimdhënësit brenda grupit të vendit të tyre nëpërmjet diskutimeve në forum;
Ndërveprojnë në platformë me mësimdhënës nga vende të tjera nga rajoni dhe më gjerë, përmes seminareve të drejtpërdrejta;
Marrin pjesë në grupet e interesit të veçantë, ku mësimdhënësit mund të bashkohen bazuar në fushat e tyre të interesit, përvojën dhe kontekstin specifik të klasës”, ka shkruar ajo.
Ministrja gjithashtu ka ftuar të gjithë mësimdhënësit e gjuhës angleze të shkollave publike parauniversitare të aplikojnë për t’u bërë pjesë e këtij programi./teve1.info./
