Doktor Baftiu, përmes një postimi në profilin e tij në Facebook, ka shkruar se arsyeja e dorëheqjes është personale, por ka kritika për institucionet e vendit që e kanë sjellë shëndetësinë kosovare në këtë gjendje.
“Arsyeja për këtë dorëheqje sa është personale po aq është edhe një moment reflektimi dhe alarmi për të gjitha institucionet qeveritare për gjendjen në të cilën e kanë sjellë shëndetësinë e Kosovës në përgjithësi dhe pozitën e mjekëve në veçanti”.
“Normalisht që për këtë gjendje faji bie mbi të gjitha partitë politike në vend, ato që ishin dje dhe këto qe janë sot në pushtet. Sikur ata dje, edhe këta sot, ende flasin për shëndetësinë në nivel dëshirash. Të gjitha ato premtime për sektorin e shëndetësisë mbeten ende të pa realizuara, ndonëse pritjet kanë qenë dhe janë ende të mëdha. E dhimbshme është kjo gjendje në të cilën jemi katandisur”, shkruan ai ndër të tjera.
