Lambrecht, në konferencën e përbashkët me kryeministrin e Kosovës, Albin Kurti, ajo tha se Gjermania e mbështet edhe anëtarësimin e Kosovës në NATO dhe BE dhe se do t’i ofrojë ndihmë edhe më tutje.
“E kam siguruar palën kosovare se qëndrojmë përkrah Kosovës edhe sa i përket mbështetjes ushtarake. Do të mbetemi të angazhuar përmes KFOR-it. Do ta vazhdojmë angazhimin tonë edhe sa i përket trajnimit të FSK-së në mënyrë që ajo të marrë përgjegjësinë e saj në të ardhmen”, ka thënë Lambercht.
Ajo kërkoi dinamikë të re në procesin e dialogut Kosovë-Serbi. Lambrecht po ashtu u shpreh optimiste për një marrëveshje mes Kosovës dhe Serbisë më 13 maj për targat e automjeteve.
