Presidentja e Kosovës, Justina Shiroka Pula, ka pritur në takim ambasadorin e Italisë në Kosovë, Maurizio Antonini, me të cilin ka diskutuar për marrëdhëniet ndërmjet dy shteteve dhe mundësitë për zgjerimin e mëtejmë të bashkëpunimit bilateral.
Gjatë takimit, presidentja Shiroka Pula ka falënderuar Italinë për mbështetjen e vazhdueshme ndaj Kosovës, veçanërisht në proceset që lidhen me forcimin e subjektivitetit dhe pozitës së saj në arenën ndërkombëtare.
Ajo gjithashtu ka vlerësuar rolin e Italisë në zhvillimin dhe konsolidimin e shtetësisë së Kosovës, duke theksuar rëndësinë e vazhdimit të partneritetit dhe thellimit të bashkëpunimit në fusha me interes të përbashkët.
Takimi është zhvilluar në frymën e marrëdhënieve të mira diplomatike dhe bashkëpunimit të vazhdueshëm ndërmjet Kosovës dhe Italisë.
