Kështu është shprehur Rohde gjatë një interviste ekskluzive për Tëvë1.
Sipas tij, kjo ështënjë retorikë që po i ngritë emocionet dhe po i rritë tensionet, por që një gjë e tillë asnjëherë nuk ndihmon, duke thënë se NATO ofron siguri për gjithë vendin.
“Jo. Kjo është një retorikë që po i ngritë emocionet dhe po i rritë tensionet dhe kjo asnjëherë nuk ndihmon. Kosova ka prezencë të trupave të KFOR-it për më shumë se 22 vjet, dhe NATO ofron siguri për vendin. Janë 27 shtete këtu që kontribuojnë për stabilitet Kosovë”, tha ai.
Tutje, Rohde thekson se këto janë përpjekje të Rusisë që ta destabilizojë rajonin dhe synon që të ngadalësojë procesin e integrimeve të këtyre vendeve.
“Çfarë shoh unë janë përpjekjet që vijnë nga Rusia për ta destabilizuar regjionin e Ballkanit Perëndimor. Rusia synon që ta ngadalësoj procesin e integrimeve për këto vende. Palët duhet ta kuptojë që rruga për në Evropë arrihet vetëm përmes bashkëpunimit dhe jo konfrontimit”, shtoi ai./teve1.info/
