Emisari i BE-së, Mirosllav Lajçak është deklaruar pas takimit që e ka pasur me kryeministrin Albin Kurti dje.
Lajçak ka shkruar se në këtë takim ka përsëritur shqetësimet e BE-së lidhur me situatën në veri të Kosovës, nevojën për deeskalim urgjent, zgjedhje të reja dhe kthim në dialog.
“Patëm një diskutim të gjatë, të sinqertë dhe të hapur me kryeministrin Albin Kurti. Përsërita shqetësimet e Bashkimit Evropian lidhur me situatën në veri të Kosovës, nevojën për deeskalim urgjent, zgjedhje të reja dhe kthim në Dialog. E vlerësova shkëmbimin e thelluar mbi hapat konkretë”, ka shkruar Lajçak në Twitter.
