Me 86 vota pro, asnjë votë kundër, asnjë abstenim, Kuvendi e ka miratuar ratifikimin e Marrëveshjes ndërmjet Qeverisë së Kosovës dhe Këshillit të Ministrave të Shqipërisë për ndihmë të ndërsjellë juridike në çështjet civile dhe tregtare, raporton Teve1.info
Ndërsa, 85 deputetë kanë votuar pro marrëveshjes së kredisë mes Kosovës dhe Bankës Evropiane për Investime dhe për projektin e zhvillimit të impiantit të ujërave të zeza në Mitrovicë, asnjë nuk ka qenë kundër dhe asnjë abstenim.
Për marrëveshjen e tretë që ka të bëjë me ratifikimin e Marrëveshjes së kredisë në mes Kosovës dhe Bankës Evropiane për Rindërtim dhe Zhvillim për projektin e trajtimit të ujërave të zeza në Mitrovicë, kanë votuar 86 pro, asnjë kundër dhe asnjë abstenim.
Ndërkaq, nuk ka kaluar marrëveshja për financimin në mes së Kosovës përfaqësuar nga Ministria e Financave, Punës dhe Transfereve, dhe Asociacionit Ndërkombëtar për Zhvillim për “Projektin e reformës së sistemit të ndihmës sociale në Kosovë. Për këtë marrëveshje 63 deputetë ishin pro, 24 kundër dhe asnjë abstenim. /teve1.info/
