Me kushtet dhe jetën në konvikte në përgjithësi, studentët e Universitetit të Prishtinës shprehën të kënaqur, por të vetmin problem njëri nga studentët thotë se e kane me furnizimin me ujë të ngrohtë meqë sipas tij katet e larta e kanë më të vështirë.
Ndërkaq drejtori për strehimin e studentëve, Isak Beha vlerëson se kushtet dhe shërbimet janë në nivel, derisa thekson se krahasim me vitet e kaluara kur furnizimi me ujë të ngrohtë ishte vetëm tre ditë gjatë javës, tani është gjatë gjithë javës.
Kjo është njëra nga dhomat e konviktit numër gjashtë në Qendrën e Studentëve në kryeqytet.
Në këtë ambient qëndrojnë studentët e Universitetit të Prishtinës pothuajse gjatë gjithë vitit.
E me kushtet dhe jetën në këto hapësira shprehën të kënaqur disa prej studentëve.
Por të vetmin problem Egzon Shala i strehuar në konviktin numër katër thotë që e ka me furnizimin me ujë të ngrohtë.
“Kushtet e mira dhe pastertia është në nivel e mbajmë edhe ne vet pastër… Furnizimi me ujë të ngrohtë është më problem sepse orari është deri në 19:00 dhe ka raste edhe kur nuk ka nuk është në nivel sepse jam në katin e 5”, u shpreh Shala.
Ndërsa, studentja, Miradie Gashi tha se është e kënaqur me kushtet në konvikt.
“Kushtet janë të mira unë jam e kënaqur…”, tha Gashi
Por, drejtori për strehimin e studentëve, Isak Beha thotë se ka furnizim me ujë të ngrohtë deri në orarin e lajmëruar.
“Furnizim me ujë të ngrohtë tani kanë çdo ditë nga ora 07:00-20:00 po varet nga ngarkesa se sa studentët e shfrytzojnë ujin e ngrohtë, meqë në të kalumen uji i ngrihtë është ofru 3 ditë brenda javës tash është çdo ditë”, tha ai.
Tutje Beha vlerëson se kushtet dhe shërbimet janë në nivel.
“Vlërësojmë se kushtet shërbimet janë në nivel dhe janë të mira… pastërtia është në nivel dhe punëtorët punojnë më orarë gjatë tërë javës…”, deklaroi Beha
Një student paguan për një muaj akomodim paguan njëzet euro, ndërsa për ushqim 15 euro teksa Qendra e Studentëve në Prishtinë ka tetë konvikte me kapacitet për 3.865 studentë.
Buxheti vjetor i Qendrës për vitin 2023, i ndarë nga shteti i Kosovës, është rreth 5.4 milionë euro.
Kronika e realizuar nga gazetarja Lendrina Kodrolli
