Me ardhjen e sitnit të dimrit rriten edhe nevojat për ngrohje. E këtë ngrohje qytetarët e bëjnë në mënyra të ndryshme. Shitësit e drunjve ankohen se me vendosjen e klimave edhe puna e tyre është ulur shumë.
I ka bërë gati për ti shitur.
Por Xhemajl Azemi që ka disa vite që merret me prerjen dhe shitjen e drunjve nuk është i kënaqur me shitjen këtë sezon.
“Vallahi është ra puna krejt, për me dru më nuk ka asgjë, se i kanë vendos klimat. Për me dru tash u ra për këtë vit, u ra puna krejt”, thotë Xhemajl Azemi -shitës.
Azemi tregoi edhe arsyen se pse këtë vit drunjte po shiten më lirë.
“Drutë i kemi tonat, vitin e kaluar janë shkuar më shtrenjtë, këtë vit janë më lirë pak se kanë vendos klima. Për vitin e kaluar kanë qenë 60 euro. Këtë vit 50/55 janë më lirë”, tregon ai .
E me ardhjen e stinës së dimrit rritet edhe nevoja për ngrohje.
Ngrohjen qytetarët e Prishtinës po e bëjnë në mënyra të ndryshme.
“Po ne zakonisht ngrohemi me dru, hale nuk e kam kthye me u ngrohë me ngrohje qendrore ende me të thjeshtën, me shporeta”, thotë Daut Rama -qytetar.
“Ne tash e kemi vendos klimën, por me shiku prapë më mirë me drunj se klima është e dëmshme për shëndet, druri e ka atë të vetën e thëngjilli nuk bënë më hiç”, thotë Jakup Aliu-qytetar
Qeveria e Kosovës ka ndarë 30 milionë euro, për subvencionimin e pajisjeve efiçiente për ngrohje.
Sipas saj, kjo është shuma më e lartë financiare që Qeveria, në bashkëpunim më Bashkimin Evropian, ka ndarë për subvencionimin e pajisjeve për sektorin e banimit.
