Shefja e Grupit Parlamentar të LVV-së, Mimoza Kusari-Lila thotë se sfidat e dy viteve të fundit në procesin e dialogut kanë qenë të vështira dhe treguan një realitet tjetër “prej asaj çka donin të besonin ata që ishin përgjegjës më herët për dialogun”.
Gjatë seancës në Kuvend, Kusari-Lila theksoi se Serbia nuk ka nënshkruar marrëveshje me Kosovën, dhe kjo tregon se nuk është e interesuar për zgjidhjen e situatës.
Tutje ajo u shpreh se nëse pozita e opozita bëhen bashkë, sipas saj, e ardhmja e Kosovës në BE dhe NATO është e sigurt.
“Më 26 tetor, ashtu edhe sikurse më 27 shkurt në Bruksel, dhe më 18 mars në Ohër, Serbia nuk nënshkroi marrëveshjen me Kosovën. Kjo tregon se synimi i qartë i Serbisë për moszgjidhjen e kësaj situate, e në veçanti kur tani u shpallën edhe zgjedhjet parlamentare të cilat do të mbahen më 17 dhjetor. Për të cilat një gjë është e sigurt, se nuk do të mbahen në Kosovë…mirëpresim debatin e sotëm me konstruktivitet dhe shpresoj se nëse bëhemi bashkë dhe nuk përsërisim gabimet e të kaluarës, natyrisht se e ardhmja e jonë për inetgrim në BE dhe NATO është e sigurt”, deklaroi ajo. /Teve1.info/
