Kurtishaj ka kërkuar nga Qeveria e Kosovës që për sektorin e transportit rrugor të udhëtarëve të lirojë nga akciza e naftës apo të shikojë mundësinë e tatimit mbi vlerën e shtuar, pra të përdorë një masë financiare e cila do të kishte një ndikim të drejtpërdrejtë që çmimet e biletave të mos lëvizin.
“Kërkojmë mbështetjen e Qeverisë për të mundësuar ekzistencën e këtyre të punësuarve në sektorin privat e mbi të gjitha për të mundësuar edhe ekzistimin këtyre bizneseve pasi që Kosova nuk ka një sistem tjetër të sistemit rrugor të udhëtarëve”, ka thënë Kurtishaj.
Kurtishaj është shprehur se vendimi për ndryshimin çmimit për disa kategori të caktuara është vendimeve më shqetësuese që nga koha e pasluftës për të gjithë operatorët e transportit rrugor të udhëtarëve
“Nëse Qeveria me të vërtetë është e interesuar ta zgjidhë problemin në interes të kategorive, si studentëve apo pensionerëve do të na bënte ftesë të gjenim një zgjidhje të përbashkët dhe ne sigurisht që do të shikonim këtë mundësi”, ka thënë ai në Tëvë1.
