Kryeministri i Kosovës, Albin Kurti, ka deklaruar se viti 2025 do të jetë vit i gruas.
Kurti ka thënë se edhe në mandatin tjetër do ta rrisin vëmendjen dhe përkrahjen për gratë.
Ai është zotuar se do ta shtojnë shkallën e aktivitetit të gruas në ekonomi, përmes një sërë masash.
“Viti 2025 do të jetë vit i gruas. Në mandatin tonë të parë, dhe atë krejt në fillim, e nisëm mbështetjen për nënat lehona dhe për fëmijët deri në moshën 16 vjeç, përmes masave tona të punësimit vend të punës gjetën mbi 12 mijë gra, ndërkaq mbi 100 mijë gra hapën për herë të parë llogaritë e tyre bankare. Siç kemi bërë deri më tani, vëmendjen e përkrahjen për to vetëm sa do ta rrisim. Në mandatin tjetër zotohemi që ta shtojmë edhe më shumë shkallën e aktivitetit të gruas në ekonomi, përmes një sërë masash, përfshirë edhe programin Superpuna për Gratë”, ka shkruar Kurti në Facebook./teve1.info/
