Kryeministri Albin Kurti ka uruar Ditën e Pavarësisë së Bosnje e Hercegovinës.
Ai ka shkruar se më 1 mars 1992 shumica e qytetarëve të këtij vendi votuan për një shtet të bazuar në parimin e qytetarisë së barabartë.
“Më 1 mars 1992 qytetarët e Bosnje-Hercegovinës votuan me shumicë dërrmuese për të formuar një shtet sovran dhe të pavarur bazuar në parimin e qytetarisë së barabartë. Sot ne përkujtojmë atë ngjarje historike dhe kujtojmë të gjithë ata që luftuan dhe vdiqën për këtë parim. Gëzuar Dita e Pavarësisë!”, ka shkruar Kurti në Twitter.
