Kurti ka thënë kjo ngjarje është kohë për reflektuar.
Ai në një postim në Facebook ka thënë se Kosova dhe Gjermania kanë lidhje të veçantë edhe “si rezultat i mërgimtarëve tanë që punojnë dhe jetojnë në Gjermani ndërkohë që kontribuojnë edhe në zhvillimin e Kosovës”.
“Sot populli mik gjerman feston 32 vjetorin e bashkimit të Gjermanisë. Kohë për të reflektuar mbi këtë ngjarje të rëndësishme historike por edhe kohë për të çmuar miqësinë e veçantë mes dy popujve tanë që nuk bazohet vetëm në interesa strategjike, politike apo ekonomike, por lidhet edhe me konceptimin e njëjtë të të drejtave themelore të njeriut dhe të vlerave demokratike, liberale e sociale”, ka shkruar Kurti.
Kurti duke kujtuar agresionin rus në Ukrainë, ka thënë se në atë kohë Rusia ishte kundër bashkimit të Gjermanisë. Por sipas tij si atëherë edhe tash do të dalin humbës.
“Ata që ishin kundër bashkimit të Gjermanisë 30 vite më parë, e që tash po bëjnë luftë kriminale kundër Ukrainës, si atëherë, edhe tash tri dekada më vonë, do të humbin përsëri”, ka shkruar kryeministri./teve1.info/
