Kryeministri Albin Kurti së bashku me ministrin e Kulturës, Hajrulla Çeku ka pritur në takim Sekretarin e Përgjithshëm Ekzekutiv të Partisë së Socialistëve dhe Demokratëve Europianë, Giacomo Filibeck.
Zhvillimet e fundit në vend dhe rezultatet e Qeverisë Kurti ishin temat për të cilat Kurti i foli Filibeckut.
“Me z. Filibeck, kryeministri Kurti diskutoi për zhvillimet në vend, situatën aktuale dhe për qeverisjen social-demokratike në këto më shumë se dy vitet e fundit. Ai e njoftoi për arritjet kryesore dhe progresin e shënuar në rrafshin e sundimit të ligjit, zhvillimit ekonomik dhe mjedisit demokratik”, thuhet në një komunikatë.
Teksa në këtë takim u fol edhe për rëndësinë e bashkëpunimin ndërpartiak mes partive simotra si dhe atij multilateral në kuadër të organizatave dhe forumeve të partive social-demokrate, thuhet tutje në komunikatën e Zyrës së Kryeminstrit.
