Kryeministri në detyrë i Kosovës, Albin Kurti, ka bërë të ditur se ka zhvilluar një takim bilateral me homologun e tij nga Luksemburgu, Luc Frieden.
Kurti ka njoftuar se gjatë takimit është diskutuar për raportet dypalëshe ndërmjet Kosovës dhe Luksemburgut, progresin e arritur deri më tani, si dhe për fushat në të cilat bashkëpunimi mund të zgjerohet më tej në të ardhmen.
Ai ka vlerësuar lart mbështetjen e vazhdueshme të Luksemburgut ndaj Kosovës, duke theksuar rëndësinë e miqësisë ndërmjet dy vendeve.
“Takim bilateral me Kryeministrin e Luksemburgut, Luc Frieden. Diskutuam për raportet tona dypalëshe dhe progresin e tyre, si dhe për fushat në të cilat bashkëpunimi ndërmjet dy vendeve tona mund të zgjerohet më tej. Jemi gjithmonë mirënjohës për miqësinë e ngushtë dhe mbështetjen e parezervë të shtetit dhe popullit të Luksemburgut”, ka shkruar Kurti në Facebook./teve1.info/
