Kryeministri në detyrë i Republikës së Kosovës, Albin Kurti, priti sot në takim ambasadorin e Malit të Zi në Kosovë, Bernard Çobaj.
Gjatë takimit u diskutua për zhvillimet aktuale në vend, forcimin e marrëdhënieve bilaterale dhe bashkëpunimin në fusha të ndryshme ndërmjet Republikës së Kosovës dhe Malit të Zi.
Një nga temat e veçanta të bisedës ishte rëndësia e diplomacisë kulturore, si një mjet për thellimin e mirëkuptimit dhe lidhjeve ndërmjet dy vendeve fqinje.
Kryeministri Kurti falënderoi ambasadorin Çobaj për përkushtimin e tij në ndërtimin e raporteve të mira ndërmjet dy shteteve dhe për mbështetjen e vazhdueshme të Malit të Zi ndaj Kosovës, si në planin bilateral ashtu edhe në atë ndërkombëtar.
