Kryeministri i Kosovës, Albin Kurti, ka pritur në takim ambasadorin e Francës në Kosovë, Olivier Guérot.
Sipas Zyrës së Kryeministrit, gjatë takimit, ambasadori Guérot e ka uruar Kurtin për përvjetorin e Pavarësisë së Kosovës, si dhe për mandatin e ri qeverisës, duke theksuar se ky hap shënon një kapitull të ri në marrëdhëniet dypalëshe ndërmjet dy vendeve.
Kryeministri Kurti ka përmendur prioritetet e mandatit të tij të ri qeverisës, duke përfshirë investimet në infrastrukturë strategjike, përkushtimin për paqe dhe siguri, si dhe angazhimin për integrim në strukturat euro-atlantike.
Ai gjithashtu e ka falënderuar ambasadorin për urimet, bashkëpunimin e deritanishëm dhe mbështetjen e vazhdueshme të Francës ndaj Kosovës.
