Kryeministri i Kosovës, Albin Kurti, në Ditën Ndërkombëtare Kundër Dhunës Seksuale në Konflikt, ka thënë se viktimat e dhunës seksuale kanë nevojë për drejtësi dhe se autorët e këtij krimi duhet të mbajnë përgjegjësi.
Kurti në Twitter shkroi se qëndron me mijëra viktima të mbijetuara nga krimet e Serbisë, që ky shtet “i përdori si armë në luftën e viteve 1998-99”.
“Në Ditën Ndërkombëtare Kundër Dhunës Seksuale në Konflikt, ne qëndrojmë me mijëra viktima dhe të mbijetuar nga Kosova të këtij krimi, të cilin Serbia e përdori si armë në luftën e viteve 1998-99. Viktimat e dhunës seksuale kanë nevojë për drejtësi dhe autorët duhet të mbajnë përgjegjësi”, tha kryeministri.
Sipas raportit të Qendrës Amerikane për Kontrollimin dhe Parandalimin e Sëmundjeve, numri i viktimave të dhunës seksuale gjatë luftës në Kosovë shkon deri në 20 mijë.
On International Day for the Elimination of Sexual Violence in Conflict, we stand with Kosova’s thousands of victims & survivors of this crime, used as a weapon by Serbia in the 1998–99 war. Victims of sexual violence need justice, and perpetrators must be held accountable.
— Albin Kurti (@albinkurti) June 19, 2023
