Kryeministri i Republikës së Kosovës, Albin Kurti, priti sot në takim lamtumirës Ambasadorin e Shqipërisë në Kosovë, Qemal Minxhozi.
Sipas njoftimit, Kurti ka falënderuar ambasadorin Minxhozi për punën, angazhimin, mbështetjen dhe bashkëpunimin gjatë gjithë mandatit të tij , si dhe për kontributin e tij të në ruajtjen dhe përparimin e marrëdhënieve të shkëlqyeshme.
Teksa edhe ambasadori falënderoi Kurtin për mikpritjen, komunikimin e rregullt dhe bashkëpunimin.
“U vlerësua angazhimi i përbashkët me qëllim përmirësimin në jetën e qytetarëve dhe bizneseve, si dhe lehtësimin e problematikave të mbartura ndër vite, në fushat e sigurisë, tregtisë, drejtësisë, arsimit e kulturës. U theksuan marrëdhëniet dypalëshe ndërmjet Republikës së Kosovës dhe asaj të Shqipërisë, nënshkrimi i gjithsej 184 marrëveshjeve, protokolleve e memorandumeve, si dhe niveli i zbatueshmërisë së marrëveshjeve të deritanishme”, thuhet tutje./teve1.info./
