Lëvizja Vetëvendosje ka nisur fushatën për zgjedhjet lokale të 12 tetorit, një ditë para datës zyrtare të nisjes së fushatës.
LVV mblodhi në Prishtinë, simpatizantë e anëtarë të saj për t’i kërkuar angazhim për më shumë vota.
Aty foli edhe kryetari i LVV-së dhe kryeministri në detyrë, Albin Kurti, megjithatë, nuk tha asnjë fjalë për vendimin e Shteteve të Bashkuara të Amerikës për suspendimin e dialogut strategjik me Kosovën.
Kurti tha se mund të shohin komunat që kanë udhëhequr për të parë ndryshimet pozitive që kanë ndodhur, duke thënë se komunat do ta kenë derën e hapur për të rinjtë e të rejat.
“Jemi lodhur nga komunat dembele, duam komuna që sjellin modernizim, zhvillim, mirqenie, transformim dhe siguri. Ka ardhur momenti që qeverisja e mirë, qeverisja e mirë, qeverisja që e dëgjion qytetarit të shtrihet edhe në nivel lokal “, tha ai.
Ai shtoi se LVV i ka 20 vjet e 20 vjetarët janë energjik, me ide të reja, kreativitet cilësor dhe provimi i LVV-së, janë pikërisht këto zgjedhje lokale, derisa shtoi se partitë e vjetra gjithmonë kanë bërë një konfkil në mes privatës dhe publikës.
“Këto zgjedhje janë një betejë e veçantë, ju i shihni si janë shumë nga komunat sot. Ato janë të lidhura dhe të bllokuara prej interesave private të klaneve të caktuara dhe prej drejtuesve të korruptuar. Komunat kanë mbetur bastioni i vetëm i korrupsionit kundër qeverisë tonë me komunat duan të na bëjnë bllokada por ne duhet t’i tejkalojmë këto bllokada…Nga secili fshat e qytet ne do të japim këtë mesazh zemrat tona nuk i blini do të, mendjen tonë nuk e thyeni asnjëherë. Ne së bashku e kemi shpëtuar nga prangat e korrupsionit dhe tendencat për ndarje, prandaj jemi që sërish së bashku duhet ta çlirojmë e do ta çlirojmë secilën komuna nga prapambeturi e hajnia e partive të vjetra, ka ardhur koha që në komuna të fitojë subjekti që pasurinë nuk e matë me konto bankare por me zhvillim ekonomik”, tha ai.
Sipas tij, ata kanë nevojë për kryetarë komunash që bashkëpunojnë me Qeverinë dhe qytetarët.
