Kryeministri i vendit, Albin Kurti, ka njoftuar se që nga shtatori do të jenë 8 profile të reja në arsimin dual.
Përmes një postimi në Facebook, Kurti ka shkruar se tanimë do të zgjerohen në 21 shkolla në 13 komuna, me gjithsej 12 profile.
“Nga shtatori 8 profile të reja në arsimin dual: Rrobaqepësi, automekanik, metal përpunues, përpunues i drurit, instalues i ngrohjes dhe klimatizimit, instalues elektrik, tregti me shumicë dhe pakicë, estetist. Përveç profileve kuzhinier, asistent i mikpritjes hoteliere (kamarier), floktar e murator, nga viti i ardhshëm shkollor do të fillohet edhe këto profile të reja në arsimin dual. Tashmë po zgjerohemi në 21 shkolla në 13 komuna të ndryshme, me 12 profile”, thuhet në postimin e Kurtit.
