Kurti u shpreh mirënjohës për rolin e Kroacisë në mbështetje të Kosovës, përfshirë këtu anëtarësimin në organizata rajonale e ndërkombëtare, përcjell teve1.info
“Ne e kemi të përbashkët të kaluarën, por gjithashtu gjithmonë do të jemi me sy nga e ardhmja zhvilluese e prosperuese për të dy vendet tona, pra edhe të ardhmen mund e do ta kemi të përbashkët…kemi arrit shumë sukses në vetëm dy vitet të qeverisjes dhe tani është koha e duhur për rritjen e investimeve të huaja direkte dhe të eksporteve tona. Kroacinë e shohim si një aleate e partnerëve më të besueshëm dhe shpresojmë një prej miqve tanë të cilët do të jenë të tillë edhe në fushën e ekonomisë, për një ekonomi më të fortë edhe në Kosovë edhe në Kroaci, për një të ardhme që sjell përfitime reciproke për qytetarët e dy vendeve tona”, deklaroi ai.
Kryeministri Kurti shtoi se për momentin janë më shumë se 160 kompani kroate që punojnë në Kosovë.
Tutje, kreu i Ekzekutivit potencoi se Kosova ka dëshmuar se është një ndër vendet më demokratike në rajon dhe ndër më të sukeseshmet në luftimin e krimit dhe korrupsionit.
Ndryshe, ky është forumi i parë ekonomik i organizuar mes Kosovës dhe Kroacisë. /Teve1.info/
