26 shkurti është dita e lindjes e aktivistit të Lëvizjes Vetëvendosje, Astrit Deharit i cili vdiq në Qendrën e Paraburgimit në Prizren më 5 nëntor 2016. Po ashtu në këtë ditë e 87 vjet më pare u lind edhe veprimtari i çështjes kombëtare, Adem Demaçi, i cili vdiq në korrik 2018.
Kurti ka thënë se si Demaçi, ashtu edhe Dehari janë busulla e Lëvizjes Vetëvendosje.
“Të dy janë busulla e Lëvizjes sonë, dhe për sa kohë që të jetojë kujtimi i tyre në zemrat tona, për aq kohë do të jehojë edhe Lëvizja. Nuk e humbim rrugën, për sa kohë që rruga jonë ndriçohet nga pishtarë si ata”, citohet të ketë thënë Kurti, ka njoftuar VV.
Teka ka shtuar se duhet të ketë drejtësi me çdo kusht për Astrit Deharin, transmeton teve1.info.
“Lavdi dhe nderim, për udhërrëfyesin kombëtar, Adem Demaçin. Kujtim dhe drejtësi, me çdo kusht e deri në fund për shokun tonë, Astrit Deharin.”, ka shtuar ai
