Ai thotë se një gjë e të tillë e mundëson Kodi i Procedurës Penale i Republikës së Kosovës, ku tri vite më parë ishte miratuar një norme të këtillë juridike.
Kurti përmes një postimi në Facebook ka thënë se Qeveria pret angazhim më të madh në ndjekjen dhe gjykimin e krimeve të luftës.
“Qeveria pret angazhim me të madh në ndjekjen e gjykimin e krimeve të luftës. Për këtë, brenda vitit të parë kemi shtuar buxhetin për rritjen e numrit të prokurorëve special dhe bashkëpunëtorëve profesionalë. Po ashtu, po punojmë në krijimin e Institutit që do dokumentojë krimet e kryera gjatë luftës, e po punojmë zellshëm në hartimin e strategjisë per drejtësinë tranzicionale”, ka shkruar Kurti.
Ai ka thënë se krimet e luftës duhet dënuar dhe se për këtë duhet përgjegjësi më e lartë institucionale, në radhë të parë sipas tij nga Prokurorisë Speciale e pastaj e tërë sistemit
“Krimet e luftës nuk parashkruhen, por ditët e vitet ikin shpejtë. Me këto ikin edhe ata të cilëve shteti u ka borxh vënien e drejtësisë për familjarë të vrarë e për dhimbjen e papërballueshme e cila po mbetet pa përgjigje. Kriminelët e luftës duhet dënuar dhe për këtë është e nevojshme dhe e domosdoshme përgjegjësia më e lartë institucionale, në radhë të parë e Prokurorisë Speciale e pastaj e tërë sistemit, ka shkruar Kurti.
