Javë më parë kryeministri i Kosovës, Albin Kurti, kishte paralajmëruar vizitën e tij në Shtetet e Bashkuara të Amerikës.
“Në maj do të udhëtoj për në ShBA, për takime zyrtare atje. Do të takohem me politikanë, diplomatë, udhëheqës, por edhe me mërgimtarët, studentët dhe komunitetin e biznesit”, pati deklaruar Kurti.
Këtë vizitë të paralajmëruar, Kurti e ka nisur këtë të premte. Madje në njoftimin e Qeverisë thuhet se në ditën e parë të vizitës kryeministri do të takohet me përfaqësuesit e Korporatës së Sfidave të Mijëvjeçarit (MCC).
Njohësi i çështjeve politike Melazim Koci, thotë se ndonëse vizita nuk është e ndonjë niveli të lartë, momentumi i saj është shumë i rëndësishëm.
Mungesën e paralajmërimeve për ndonjë takim të nivelit të lartë, analistja Shqipe Pantina po e konsideron si taktizim të kryeministrit Kurti.
Gjatë kësaj jave, kryeministri Kurti ka qëndruar për vizitë një ditore edhe në Berlin, ndërsa presidentja Osmani, po ashtu është duke qëndruar për vizitë në Panama.
Raporti i gazetarit Valmir Gallopeni.
