Kryeministri në detyrë i Kosovës, Albin Kurti ka shkruar se në zgjedhjet lokale qytetarët e Kosovës sot dëshmuan kulturën demokratike me dinjitet e përgjegjësi.
I pari i Qeverisë ka falënderuar qytetarët për mbështetjen për Lëvizjen Vetëvendosje si dhe kandidatët nëpër komuna.
Derisa, ai shtoi se ky besim i qytetarëve është forca e LVV-së për të vazhduar me punë e përkushtim përpara.
“Sot, me qetësi e maturi, qytetarët e Kosovës dëshmuan edhe njëherë kulturën demokratike duke kaluar ditën e zgjedhjeve lokale me dinjitet e përgjegjësi. Falënderoj të gjithë qytetarët për mbështetjen për Lëvizjen VETËVENDOSJE! dhe kandidatët tanë nëpër komuna. Ky besim është forca jonë për të vazhduar me punë e përkushtim përpara. Por, tash është koha e komisionerëve dhe vëzhguesve, të cilët jo vetëm i numërojnë votat, por edhe i ruajnë ato dhe vullnetin e shprehur të qytetarëve”, ka shkruar Kurti në Facebook./teve1.info/
