Kryeministri i Kosovës, Albin Kurti dhe presidenti serb, Aleksander Vuqiq, të mërkurën pritet të takohen në Zvicër. Këta do t’i bëj bashkë tryeza “Dialogu i Diplomacisë për Ballkanin Perëndimor” në kuadër të Forumit Ekonomik Botëror në Davos.
Para këtij takimi, i pari që ka folur ishte presidenti serb Aleksandër Vuçiq.
Ky në profilin e tij në Instagram tha se do të luftojë për interesat e shtetit serb.
“Shumë takime joformale sot me liderë evropian dhe botëror. Ukraina është tema dominuese dhe puna ime është të luftoj për interesat serbe dhe të kërkoj aleatë për vendin tonë dhe zgjidhje për krizën më të madhe që ka goditur Evropën që nga Lufta e Dytë Botërore”, tha Vuçiq.
Por çfarë mund të pritet nga ky ballafaqim, flet profesori Seb Bytyqi.
Sipas tij, para se palët të ulën në tavolinën e dialogut janë tri marrëveshje që po presin të marrin epilog: targat, energjia dhe të pagjeturit.
Për njërën temë, atë të targave zëvendësi i Kurtit, Besnik Bislimi, të hënën tha se do të përgatitet plani B.
Por, për çfarë mund të flet ky plan?
Se çfarë mund të përmbajë plani B, Tëvë1 ka pyetur edhe në zyrën e kryeministrit.
Por këta të fundit, nuk kanë dhënë më shumë detaje për këtë çështje.
Raporti i gazetarit Fidan Zejnullahu
