Kryeministri në detyrë, Albin Kurti ka thënë se diskutimet me Lidhjen Demokratike të Kosovës do të vazhdojnë.
Ai pas takimi që zgjati më shumë se dy orë me kreun e LDK-së, Lumir Abdxhiku të mërkurën tha se në këtë takim kanë folur për emra konkretë për presidentin
“Do të vazhdojnë bisedimet sepse është rritur mirëbesimi, është hera e parë që kemi diskutuar për emra të përveçëm. Të gjitha propozimet që janë sjellë në tryezën e diskutimeve kanë qenë në përputhje me vlerat, meritat, kontributet që kemi diskutuar”,tha Kurti, raporton teve1.info.
Ai ka thënë se bisedimet për marrëveshje do të vazhdojnë duke thënë se duhet një marrëveshje brenda javësh.
“Komunikimi nuk ndërpritet, negociatat do të vazhdojnë. Jemi në një kohë që duhet të merremi vesh brenda javësh, do të doja që të përfundojnë brenda ditësh , por nuk është e lehtë”, tha Kurti.
