Kryeministri i Republikës së Kosovës, Albin Kurti, ka pritur sot në takim drejtoren e Institutit Demokratik Kombëtar (NDI), Nancy Soderberg dhe bashkëpunëtorë të saj.
Sipas njoftimit, në këtë takim u fol për zhvillimet aktuale, bashkëpunimin e deritanishëm dhe rezultatet e përbashkëta me theks të veçantë avancimin e transparencës dhe llogaridhënies institucionale.
“Kryeministri Kurti vlerësoi kontributin dhe angazhimin e NDI, me theks në fushën e demokratizimin e partive politike, forcimin e shoqërisë civile, avancimin e transparencës dhe llogaridhënies institucionale. Drejtorja e Institutit Demokratik Kombëtar (NDI), Nancy Soderberg falënderoi kryeministrin Kurti për këtë takim përmbajtjesor dhe bashkëpunimin e vazhdueshëm”, thuhet në njoftim./teve1.info./
