Kryeministri i Kosovës, Albin Kurti, ka njoftuar se 263 qytetarë janë punësuar që nga fillimi i skemës “Qeveria për familjet” në katër komunat veriore të Kosovës.
Sipas Kurtit, edhe 428 vende pune kanë mbetur të lira, andaj ka ftuar të gjithë qytetarët që ta shfrytëzojnë këtë mundësi.
“Shtatë muaj nga fillimi i skemës, deri më 30 gusht në katër komunat në veri kemi ndërmjetësuar dhe mbështetur punësimin e 263 personave, ndërkaq të deklaruara janë edhe 428 vende të lira të punës.Ju ftoj të aplikoni në Zyrat e Punësimit në katër komunat në veri, e të shfrytëzoni çdo mundësi që paraqitet për fushëveprimtarinë tuaj. Republika e Kosovës është shtet i të gjithëve. Më shumë punësim, më shumë mirëqenie. Më shumë integrim dhe ndërveprim mes komuniteteve”, ka shkruar Kurti në Facebook.
