“Kur ushtria kthehet në Kosovë, Brigada e Veriut jeton”, janë grafite të cilat janë shfaqur të dielën në veri të Kosovës.
Grafite të ngjashme janë shfaqur edhe në Zveçan, Leposaviq e Zubin-Potok.
Sipas portalit serb “Kossev”, këto mesazhe janë shfaqur një ditë para protestës së ftuar nga Lista Serbe (të hënën) e një ditë pasi që në Beograd tifozët e para ndeshjes së basketbollit marshuan me një mesazh ku thërrisnin “Shtet, ndalo emigrimin e serbëve nga Kosova”.
Grafite të tilla janë shkruar me vite nëpër rrugët e Mitrovicës së Veriut dhe të komunave tjera në veri të Kosovës.
