Mbrojtësi Marash Kumbulla pritet që karrierën ta vazhdojë në La Liga të Spanjës, pasi nuk bën pjesë në planet e skuadrës së Romës.
Pas huazimit te Mallorca, Kumbulla është kthyer te Roma por skuadra italiane po kërkon një klub të ri për futbollistin e Kombëtares së Shqipërisë.
Dhe, gjasat janë të mëdha që Kumbulla edhe sezonin e ardhshëm të luajë në elitën e futbollit spanjoll pasi tri skuadra kanë shprehur interesim për shërbimet e tij.
Rayo Vallecano, Elche dhe Levante po synojnë transferimin e Kumbullës gjatë kësaj vere dhe Roma është e gatshme të pranojë ofertën për shitjen e 26-vjeçarit.
Kumbulla ka kontratë me Romën deri në vitin 2028 kurse kartoni i tij vlerësohet rreth 3 milionë euro.
Krahas Romës dhe Mallorcas, Kumbulla gjatë karrierës ka luajtur edhe te Espanyoli, Sassuolo e Verona.
