Sezoni i dimrit sapo ka filluar dhe me siguri i keni venë re ndryshimet në trupin tuaj.
Flokët fillojnë e bëhen më kapriçoze, lëkura më e ndjeshme dhe thonjtë më delikatë.
Kjo sepse këto pjesë të trupit janë shumë të ekspozuara ndaj temperaturave të jashtme.
Veçanërisht thonjtë, mund t’i ndjeni më delikatë dhe të dobët sapo dimri zbret.
Duke qenë se askush nuk preferon duar të parregullta dhe jo të shëndetshme këshillohen një mori kurash natyrale.
Në këtë artikull nga AgroWeb.org ju tregojmë disa prej tyre në mënyrë që këtë problem ta zgjidhni shpejt dhe lehtë në shtëpitë tuaja.
Zgjidhni kremin e duhur
Gjatë periudhës së dimrit këshillohet që duart ti mbani gjithnjë të hidratuara, duke i lyer gjithnjë me krem.
Kjo do t’i mbajë to të shëndetshme për një kohë më të gjatë.
Zgjidhni gjithnjë kremra me bazë glicerine të cilët kanë veti shumë hidratuese për duart dhe thonjtë.
Kini parasysh që t’i masazhoni mirë edhe thonjtë me krem, në mënyrë që dhe ato të marrin hidratimin e duhur.
Trajtimet në shtëpi Një mënyrë tjetër për të hidratuar thonjtë tuaj është edhe trajtimi i tyre me ujë të ngrohtë të paktën një herë në javë.
Në një enë të thellë të mbushur me ujë të ngrohtë, zhysni thonjtë për 10 minuta e më pas thajini me kujdes.
Në fund të këtij procesi lyejeni zonën rreth thonjve me krem dhe vendosni disa dorashka plastike sipër.
Harrojeni retinolin, përdorni këtë ilaç për të hequr qafe rrudhat
Mëso më shumë
Mbajini ato për një orë e më pas lajini duart.
Do të shikoni që thonjtë dhe duart do të kenë fituar shkëlqimin e tyre natyral.
A duhet t’i prisni thonjtë?
Gjatë periudhave kur thonjtë tuaj nuk janë në formën më të mirë, është e këshillueshme që t’i mbani ata të shkurtër, por të shëndetshëm.
Kjo do të parandalojë hollimin dhe thyerjen e tyre në mënyrë të vazhdueshme.
Pritini thonjtë rregullisht, sapo të shikoni që kanë filluar të dobësohen.
Gjithashtu këtë proces mos e bëni asnjëherë pasi keni larë duar apo pasi keni dalë nga dushi, pasi thonjtë janë më të butë se zakonisht dhe mund t’i dëmtoni.
Ushqimet e duhura
Si në çdo pjesë tjetër të organizmit sihurisht edhe tek thonjtë, ushqimi luan një rol shumë të rëndësishëm.
Përtej një diete të shëndetëshme ushqimore, nisni me ujin.
Konumoni shumë ujë në mënyrë që i gjithë organzimi të jetë i hidratuar dhe të qëndrojë në vlerat e duhura të tij.
Zgjidhni të hani ushqime të pasura me proteina, minerale dhe kalcium.
Këtu futen drithërat, vezët, mishi, peshku dhe bishtajorët.
Në kujdesin e thonjëve është e rëndësishme që gjithashtu të mos i ekspozoni ndaj kimikateve apo detergjentëve të ndryshëm dhe t’i trajtoni herë pas here me vajra esencialë.
