Por, për gjurmët e mëdha të kësaj kulle në fshatin Popovë të Podujevës, flet vet historia.
Këtu në vitin 1909, u mblodhën veprimtarët më të shquar të asaj kohe.
Synim kishin mbajtjen e një Kuvendi Gjithëkombëtar shqiptar.
“Mendohet që këtu ishin pjesë e këtyre tubimeve, që nga Hasan Prishtina, veprimtari kryesor i lëvizjes për themelimin e shtetit shqiptar, Hoxhë Kadri Prishtina, Isa Boletini, më vonë në vitin 1919, ku ishte prezent edhe kryekaqaku i Kosovës, Azem Bejta”, tha profesor i historisë, Muhamet Murati.
Sipas, profesorit të historisë nga ky fshat, në këtë kullë u mor vendimi për themelimin e shtetit shqiptar.
E po ashtu, në këtë kuvend u zyrtarizua edhe flamuri kombëtar.
Ky i fundit me 26 dhjetor të vitit 1909, vetëm dy ditë pas mbajtjes së kuvendit, do të valonte për herë të parë, vetëm pak metra poshtë kullës së Hys Popovës.
Por, kush ishte Hys Popova, në konakun e të cilit valoi flamuri kuq e zi, tri vjet para se të ngrihej në Vlorë.
“Një ndër personalitetet më të dalluara të fundshekullit 19 dhe fillimshekullit 20 i cili me veprimtarinë e tij, u bë një nga personalitetet më të rëndëishëm të krijimit të shtetit shqiptar”, shtoi ai.
E gjurmët e familjes Popova, ende janë në vendin, tanimë të harruar edhe nga institucionet e vendit.
Bashkëluftëtari i Azem Galicës, Hys Popova, në vitin 1924 ra heroikisht në fshatin Galicë, gjatë luftimeve me forcat serbe.
Kronika e gazetarit Fidan Zejnullahu.
