Kadri Kryeziu, profesor i së Drejtës beson që Qeveria e re e Kosovës pas zgjedhjeve paralamnetar do të formohet nga një koalicion.
Ai vlerëson se Kosova ende nuk është në nivelin që të qeveriset nga një parti.
“Ne do të kemi një Qeveri të koalicionit, për shkak se nuk e kemi dhënë provimin që një parti me udhëheq Kosovën, ende jemi të pa emancipuar në këtë drejtim, 99% jam i sigurt se do të kemi qeveri të koalicionit”, ka thënë Kryeziu në emisionin “InfoNata” në Tëvë1.
Ai ka thënë se kishte me qenë mirë që të ketë një qeveri prej koalicioneve edhe për shkak të disa çështjeve të papërfunduara me Serbinë.
“Kemi disa probleme nacionale të pazgjidhura, kemi problemin me Serbinë, demarkacionin, asociacionin, janë elemente tepër të rëndësishme”, është shprehur Kryeziu.
Që nga paslufta, në Kosovë të gjitha qeveritë kanë qenë të përbëra nga koalicione, me përjashtim qeveria aktuale e udhëhequr nga Vetëvendosje.
