Qentë endacakë janë shndërruar në një problematike të madhe te qytetarët e Prishtinës. E të rrezikuar nga ta po ndjehen edhe banorët e lagjes Muharrem Fejza. Kërkesa e tyre e vetme është që Komuna të ndërmarrë diçka për përmirësimin e kësaj gjendje.
Prezenca e tyre në kryeqytet është e madhe.
Kësisoj qentë endacakë janë shndërruar në një problematikë të madhe për qytetarët e Prishtinës.
Më të rrezikuar nga ta po ndihen banorët e rrugës “Xhafer Shala”.
Heroina Rexhi thotë se nuk ndihet e sigurt për të marrë rrugën për në punë.
“Rregullisht jemi tu pas qenë endacakë, ku t’u supozuar që tash është dimri, është më ftohtë tash grumbulli i tyre nuk është veç një dy por janë mbi 10-12. Kryesisht janë në orët e hershme të mëngjesit kur zakonisht ne nisemi për punë e fëmijët i dërgojmë në shkollë është pothuajse e pamundur me lëviz në lagje këtu për me dal prej banesës e me kalua në anën tjetër të rrugës”, ka deklaruar ai.
Rexha bëri të ditur se për këtë çështje i është drejtuar edhe komunës, por nuk ka marrë përgjigje nga ta.
E qytetari tjetër Ismajl Mehmeti, përveç se ndihet vet i rrezikuar, ai brengoset edhe për të tjerët.
“Shumë për besë sidomos fëmijët e gratë shtatzënë, të sëmuret e pleqtë, por edhe fëmija duke shkuar në shkollë boll të rrezikuar”, tha ai.
Por se si po e menaxhojnë situatën me qentë endacakë, treguan nga Drejtoria e Shërbimeve Publike.
“Që nga 11 shtatori gjerë më tani ne kemi larguar nga hapësirat publike të kryeqytetit afër 700 qenë. Të gjithë ata janë trajtuar në qendrën tonë të veterinarisë, janë sterilizuar, kastruar e janë vaksinuar dhe janë përgatitë për adaptim dhe që të gjithë janë në adoptim”, ka thënë drejtori, Bekim Brestovci.
Me buxhetin që ka Komuna, parashihet strehimi i 1500 qenve endacakë, mirëpo ata thanë për televizionin se kanë nevojë edhe për ndihmën e Qeverisë.
