Gjatë vizitës në Londër, Kurti ka njoftuar Lammyn për sukseset, planet dhe sfidat e Kosovës në rrugën e saj progresiste, evropiane dhe euro-atlantike.
Gjithashtu, Zyra e kryeministrit Kurti, ka njoftuar se Kurti dhe Lammy diskutuan edhe për bashkëpunimet dypalëshe.
Lammy ka theksuar që përkrahja e Partisë Laburiste nuk ka munguar kurrë për Kosovën, sidomos që nga kryeministri Tony Blair e deri më sot.
“Ky bashkëpunim do të vazhdojë dhe forcohet edhe më tutje kur Partia Laburiste të qeverisë me Mbretërinë e Bashkuar”, ka shtuar Lammy.
