Para disa ditësh doli një dokument non-paper me prejardhje nga Austria, i cili parashihte anëtarësimin gradual të Ballkanit në BE.
Këtë dokument e ka komentuar gjatë vizitës së tij në Beograd, ministri i Jashtëm i Austrisë, Alexander Schallenberg. Në takimin që kishte me presidentin e atjeshëm, Aleksandar Vuciq, ministri austriak kishte thënë se vendi i tij dëshiron ta bëjë më të prekshëm procesin e integrimit.
Ministri austriak këtë dokument e komentoi edhe gjatë vizitës në Kosovë.
“Ideja e kësaj shkrese këtij dokumenti është që qasja e Austrisë se si mund ta jetësoi këtë proces, si mund të vë në jetë këtë procesin e anëtarësimit. Pra, ne nisemi nga shabllonet e vjetra e cila parasheh anëtarësimin e plotë edhe pagesa”, tha ai.
Njohësi i çështjeve politike Gazmir Raci, thotë se për anëtarësimin në Bashkimin Evropian, vendet e Ballkanit nuk duhet të ndjek udhë tjetër përveç agjendës së Selanikut.
E opinionisti nga Shqipëria, Bledian Koka, thotë se ideja austriake nuk mund të jetësohet pa një garantues të zbatimit të saj.
Për anëtarësimin e shpejtë të Ballkanit në BE, është funksional procesi i “ Open Ballkan-it” dhe “Procesi i Berlinit” që pritet të ri-vitalizohet.
