Analisti politik Dardan Krasniqi, ka lëshuar kritika ndaj Lidhjes Demokratike të Kosovës pasi që sipas tij, nuk është dashur që ta marrë barrën për formimin e institucioneve.
LDK në zgjedhjet e fundit në Kosovë doli si parti e tretë.
“LDK-së i mbetet një barrë e madhe që ta shlyejë gabimin e saj. Është naivitet politik të merren përgjegjësi që nuk të takojnë. Kjo përgjegjësi për dështimin e institucioneve nuk i ka takuar LDK-së dhe nuk është dashur që të përfshihet në negociata të thella me Vetëvendosjen. LDK nuk është dashur të bie në kurth”, ka thënë Dardan Krasniqi në emisionin “Ditari” në Tëvë1.
Ai vlerëson se vetëm Lëvizja Vetëvendosje mund ta nxjerrë vendin nga kriza politike.
“Çelësi i tejkalimit të problemit është partia fituesi në këtë rast Vetëvendosje. Të tjerët janë lojtarë rrethanorë, mund të ndikojnë, por nuk mund ta zgjidhin problemin”, theksoi Krasniqi.
“Vetëm kur ka gatishmëri nga VV, ne do të kemi institucione. Në këtë situatë shikojë më shumë mundësi të shkohet në zgjedhje se sa në krijim të institucioneve”, ka thënë ndër të tjera, Dardan Krasniqi.
