Kryetari i Partisë Demokratike të Kosovës, Memli Krasniqi, në Bruksel ka takuar Presidentin e ALDE, Ilhan Kyuchyuk dhe Sekretarin e Përgjithshëm, Didrik De Schaetzen.
Përmes një postimi në Facebook, Krasniqi ka bërë të ditur se me të dy zyrtarët e ALDE-së, kanë diskutuar për zhvillimet e fundit politike në Kosovë, rajon dhe Evropë.
“Bashkë me dy miqtë e mi diskutuam edhe për zhvillimet e fundit politike në Kosovë, rajon dhe Evropë, e veçanërisht për përgatitjet e partive anëtare të ALDE-s për zgjedhjet e ardhshme për Parlamentin Evropian, në pranverën e vitit 2024. Që nga 3 dhjetori i vitit të kaluar, kur PDK u bë anëtare me të drejta të plota në Partinë Aleanca e Liberalëve dhe Demokratëve të Evropës (ALDE) – bashkëpunimi i ndërsjellë ka qenë në nivel të shkëlqyeshëm. Në Bruksel, Presidentin Ilhan Kyuchyuk dhe Sekretarin e Përgjithshëm Didrik De Schaetzen”, thuhet në postimin e Krasniqit.
Po ashtu, në njoftim thuhet që Krasniqi i ka falënderuar për mbështetjen e tyre ndaj PDK-së./teve1.info/.
