Kryetari i Partisë Demokratike të Kosovës, Memli Krasniqi ka pritur në takim të dërguarin special të Gjermanisë për Ballkanin Perëndimor, Manuel Sarrazin.
Krasniqi në Facebook tha se me Sarrazin diskutuan për zhvillimet politike në vend. Derisa për PDK-së tha se është tejet e rëndësishme që Bashkimi Evropian të heqë sanksionet ndaj Kosovës, nga të cilat sipas tij, po vuajnë më së shumti qytetarët e vendit.
“Zhvillimet politike në vend dhe rajon ishin tema të diskutimit tonë, për të cilat shkëmbyem qëndrimet tona. Për PDK-në, përtej papërgjegjësisë së Qeverisë së Kosovës, është tejet e rëndësishme që Bashkimi Evropian të heqë sanksionet ndaj Kosovës, nga të cilat po vuajnë më së shumti qytetarët tanë. PDK, si përherë, me bashkëpunim dhe përgjegjësi, do të angazhohet të ruaj interesin e shtetit, të qytetarëve dhe perspektivën e saj evropiane”, tha Krasniqi.
Ndryshe, Sarrazi sot u takua edhe me kryetarin e LDK-së, Lumir Abdixhiku./teve1.info./